Туслах цэс
Хэрэглэгчийн булан
Нэвтрэх нэр
Нууц үг
 
Нууц үг сэргээх | Бүртгүүлэх
 
Нутаг холоос илүү санагддаг
Өссөн   төрсөн  нутаг  сэтгэлд  нэгэл  ойрхон,  илүү  дотно.  нөмөр  нөөлөгтэй  санагддаг. Ийм л  хол  Алтайдаа  гэж  доктор  Р.Бямбаагийн   бичсэн   дурсамж    өгүүлэл  уншаад  нутагтаа  очсон  мэт  бодогдоод   улам  илүү  саналаа.  Аж  богдын  уул  ус,  нутгын  түшигтэй  хөгшчүүд  нүдэнд  харагдаж   сэтгэлд  буутал  энгийн  ба  уран  дүрсэлжээ.  Аав  ээж   ахан  дүүс   байх   Алтайн  хязгаар   манхант  нутагт  очих  сэтгэл   жилд  хэдэнтэй   төрөх   аваас  сүүлийн  хоёр  жилд  ажил  төрөл    гэж   ахуйдаа   автагдсаар   очиж   чадаагүй   билээ.  Зав  чөлөө,  унаа  цуцааны  аяыг  харсаар  зундаа  нэг  нутагтаа  зүглэх.  Голдуу  машинаар   нутгаа  зорих   агаад  ойртох  тутам   нутаг   элгэмсүү.  Аж   нутгаар  овоглох  хүмүүн  заяатай   бид  бусдаас  бахархах  тодотголтой.  Мөнх  цаст ”Их  овоо”-ны    оргил  тэнгэртэй   сүлэлдэн  байдаг   юм.  Хадаг  дэлгэсэн   мэт   цэнхэртэх  Аж  богдын  нуруу  ,   их  говийн  дархан газартай   хаяа  залгах   усан  зэрэглээ   татсан,   говь  уулс  хангай   хосолсон  ховор   амьтад   нүднээ  сэргээсэн   ийм  л  нутаг.  Хөвөнтэй   тэрлэг   өмсөөд  Ажийн  нуруугаар  морьтой  давхихад  дааруулах  нь  энүүхэнд.  Хосоор  ургасан   вансэмбэрүү  цэцэг  нүднээ  тусах  нь  байгаль  чимсэн   гоёл.  Арааны   шүлсэнд   амтлагдсан  Ажийн  бороор  айл  бүхэн  зочноо   дайлхад,   ийм ааруулыг   бусад   нутагт  хийж  болох    бол  уу   гэсэн  санааг   сэтгэлдээ  тээж   тэндээс   буцаад  турсан  хүмүүсч  цөөнгүй.  1950-1980-аад  оны  ихийг  бүтээсэн,  ажлын  нөр  их  дадалтай   ханхар  сүрлэг  хөгшчүүд  цөөрч,  тэднээс  сүрдэж  байсан  цаг  хүрдээр  хэдэнтэй   эргэжээ.   
Аж  богдод  униар  саатаад
Алжаалсан  байгаль   сэрэх  цагаар
Хөшгөн  зэрэглээ  талдаа  наадуулсан
Хүүшийн  салхи  нь  хөөмийн  аялгуутай
Нугачаат  уулсын  зулайг  шүргээд
Нуурын  шувууд  дуугаа   аяласан
Ханын  толгойг  наран   өртөөлөөд
Хаврын  улирал  эртсэх  Ажийн  нутаг   сэтгэлд  илүү  тод   мөрөө  үлдээжээ.  Аж  нутгаас  төрсөн  доктор  Эрүүл   мэндийн  дэд  сайд  асан  Р.Бямбаа  Эмимпекс   компаны   ерөнхий   захирлаар,  Д.Алтангэрэл   эдүүгээ   Мал  аж  ахуйн  эрдэм   шинжилгээний  хүрээлэнгийн  захирлаар,    ангаах  ухааны   доктор,    доктор  З.Баасанжав  Улсын  багшийн  их  сургуульд  багшаар,  эрдэмтэн  Ч.Алагсай  нэрт  зохиолч,  үүнийг  тэрлэгч   миний   бие  Сайд  нарын  гэгдэх   Улсын  клиникийн  хоёрдугаар  эмнэлгийн  захирлаар   ажилалацгааж    байгаа  бөгөөд  нэрт   эрдэмтэн  төрийн  соёрхолт  О.Батмөнх  химийн  ухааны   салбарын   томоохон  эрдэмтэн байсныг   одооч  бид  мартаагүй.  Шатрын  хөлгийн  ард  бодол  илчээж   мастер  цол хүртсэн  Т.Төгөлдөр  нэрт  геологч,  байгалын    зургын     мастер    зураач   Ш.Чулуудай   хэмээх  задгай  үстэй,   тэнүүн  авьяастан   уран зургын   үзэсгэлэнгээ  өнгөрсөн  онд  гаргаж  олны   нүдийг  хужирласан  билээ.  Нутгаараа  овоглож, алдаршуулж  явах  нь  хүмүүн  бидний   бахархал  байх   ёстой.  Сумын  нутгын  зөвлөлийн  дарга  Улаанбаатар  хотын  ус  суваг  ашиглалтын  газрын  тэргүүн  дэд  дарга  Б.Пүрэвжав,  нутгын  зөвлөлийн  нарийн    бичгийн  дарга  нэрт  сэтгүүлч  Б.Чүхээг,   гишүүд  улсын  начин  Д.Бадрах,  дээх  нь  МҮЭ-ийн  орлогч  дарга  асан  Б.Баянжаргал    нар  сум  үүсэн  байгуулагдсны   80  жилийн  ойг  тэмдэглэхээр    зориглон   Буян  заяаны   бурхан  нутаг Аж  богд  номоо  хэвлүүлжээ.  Баруун  хилээ   хамгаалагч   болсон  Аж  нутгийнхан  зочолмтгой,  цайлган,    дуучин  хүмүүс.  Биднийг  нутагтаа   очиход  сэтгэл  нь  өөдрөг,  элдэв   яриа  дэлгээстэй,  хэд  хоног   хөл  хөөрцөг   болж   айл  саахалтдаа  золгон    зочлуулна.  Энэ  онд   сумын  сургуулийн  ой   болох  сураг  хот  хүрээнд   түгж   уг   сургуулийг   төгсгөсөн   олон  хүмүүс   уулзацгааж   дургамж  сэлтийг   хөөрөлдөцгөөж,     сургуулийн  хамт  олон,   сумын   нутгийн   зөвлөл ч   ихээхэн  ая   холбогдол  өгч   дэмжиж   буй   төгсөгч  бид  сэтгэл   хангалуул  байнам. Бидний  хэдэн  жижиг  хүүхдүүд  1967  оны   намар   Аж  нутгийн  сумын   бага  сургуулийн  босгыг  8  жил   илээхээч   мэдэлгүй  бужигнаж  хөгжиж,   цалгисан  инээд,  цайлган  сэтгэлээ  тээж   танхим  номын  үсэг  заалгахад   анхны  багш   маань  багшийн  сургууль  төгссөн  цагаан   залуу  байсан   нь  хожмын   сумын  заан,   засаг  дарга Ж.Пүрвээ  байлаа.  Бидний  ангид  хичээл  зааж,  удирдаж  байсан   Нина,   Батнасан,  Н.Баатар   болон   бусад   багш   нартаа  баярлаж  явдагаа  бид.  Сургуульд  ороод  удаагүй  биднээс  Ж.Пүрвээ ангийн  багш  маань  Цэдэнбал   дарга  ямар   ажил  эрхэлдэг   тухай  асууж   бичүүлж  аваад  бага  сургуулийг  төгсөхөд   уншиж  өгч  байсан  нь  тод  дурсамж   үлджээ. Ангийн  дарга  Б.Алтангэрэл  Цэдэнбал  дарга   халхыг   монголоос  хамгаалдаг, П.Роза   Жижигхэн  цагаан   онгоцоор   жиргээд   ирдэг,  Х.Лувсанцэрэн  малчдын  дарга  гэж    бичицгээсэнийг  уншиж  өгөөд   бид  нар   инээдэм  хөөрөлдөн   болцгоож  байлаа.  Бид  нар   бүгд  л  Цэдэнбал  дарга  чухам  юу   хийдэгийг   мэддэггүй  л  байж дээ.  Найман  намрыг   үдэж  сургуулийн  анхны  найман   жилийн  боловсролыг    эзэмшиж  бүрэн  дунд  боловсролын   үнэмлэхийг.Б.Алтангэрэл, Д.Бадрах, Д.Долзодмаа, Б.Долгормаа, М.Энхтэр, Д.Энхтөр,  С.Төмөрхүү,  С.Уламбаяр,    Батсайхан,  Ж.Энхцэцэг,    бид     хоринэгүүлээ   төгсөж   байсан  мөч   саяхан  тод  санагдана.
Агаарын  дээдийг  зоондоо  тээгээд
Ажийн  ааруулаар  түмнээ   зочлоод
Алтайн  говийг  алсаас  ширтсэн
Аавын  минь  нутаг  Ажийн  намраа
Эрдмийн  алсад  үрсээ үдээд
Элст мянганыг энгэртээ өлгийдөөд
Энэхэн насны золыг тээсэн
Ээжийн минь нутаг Ажийн намар   буцаад   явахад   холдомгүй   санагддаг   нутаг  хэд   хоног   сэтгэл  нэгэл  дүүрэн  байдгаа.  Нутгаа   түшиж,  нутаг  хүмүүнээ   түшиж    амьдрах   энэ  зайнд    тэдний   ахуй   амьдарлыг     тэтгэж  байдаг   буян  хишигтэй   сайхан  нутгаа.
Нэрт  зохиолч   Д,Цоодолын   аав  уул   Аж   богдоо,  ээж   болсон  шаргалтах  говьдоо    нутгийн   зон   олон  үеэрээ    жаргалтай   тэнүүн  байцгаа   хүмүүсээ. 





Эрүүл  мэндийн  шинжлэх  ухааны  Их  сургуулийн
Гатроэнтерологийн   тэнхмийн  ахлах  багш,
Доктор  /phD/   ,  яруу  найрагч   Сэвжидийн
Бадамжав


Үнэлэх
Нэвтрэнэ үү
Үнэлгээ (0)

Админы мэдээлэл



Сэтгэгдэл үлдээх
Нэр
Сэтгэгдэл
Өмнөх сэтгэгдлүүд »
     
PMS.MN
Developed by: miniCMS™ v2
Web stats