Туслах цэс
Хэрэглэгчийн булан
Нэвтрэх нэр
Нууц үг
 
Нууц үг сэргээх | Бүртгүүлэх
 
“Ус сувгийн Пүрэвжав”
Голын   дэргэд   төржээ                                                                                         
Миний  мэдэх  багын  дуу  цөөнтэй,  даруухан,  тэгсэн  мөртлөө  хааяа  нэг зөөлөн  инээмсэглэдэг хөвүүнийг Оросод   боловсрол  олсон  шаггүй  залуу  гэж   нутгийн   хөгшид  ярихийг  цөөнгүй сонсож  байсан  минь   одооч тод байна.  Хаврын  адаг  сарын  22-нд   Бат-Очирын  ууган  хүү  болон  тэртээх  алс  баруун   хилийн  харуул  Аж  богдын  өвөр  бэлд  1955 онд  дуугаа  хадааж   төрсөн  түүнийг  хожид   устай   холбоотой  ажил эрхэлнэ  гэж   хэнч   мэдэрсэнгүй.  Ялангуяа   улсын  нийслэлд  хүн   амыг  ундны  усаар  тэтгэх  чухал   ажлыг  зангидаж  буянтай   ажил  эрхэлнэ   гэж   айл  саахалтын  хөгшид  тааж   хэлээгүйч  угын   нямбай   шаггүй   нөхөр  болно  доо гэж  цайны   зуур  хуучилна. . Аав  нь   олон  жил  санхүү  бүртгэлийн  ажлыг   чамбай   хийж  байгаад  гавьяаны   амралтаа  эдлэн хотод  амьдарч  байна.Эцэг  эхээсээ  долуулаа   мэндэлжээ. Айлын  ууган  нь  хойно  дүү  нараа  анхаарч  холоос   залж  зааварлана

Усны  мэргэжил  эзэмшив
Тэр  бөглүү   гэж  тооцоохоор   захын  сумаас  гадаадад   мэргэжил  эзэмших  нь   тун  ховор   тэр   үед  алсад   одсон   тэрээр    таван   жилийн   хойно  ус  сувгийн   мэргэжил   эзэмшиж   иржээ.  Орос  хэлийг  сайтар  сурсан  нь  мэргэжлээ  эзэмшсэн  шиг  өөрийн   болгоны  шинж. Одоо   сургууль  төгсөж   мэргэжилтэй  ыолох  нь   төвөггүй  боловч   зах   зээлд   тэнцэх  нь  цөөвтөр  санагдана.  Энэ  нь  мэргэжилдээ   сэтгэл  зовж   эзэшээгүй    дээд  боловсролтой   болно   гэсэн  өрөөсгөл  бодолтой   холбоотой  байх. Төрсөн   газар  нь  хүртэл  устай    холбоотойг   энэ  хөргийг   бичих  зуураа  би   тод   анзаарч   билэгшээж   билээ.  Баянгол  гэдэг   газар   хүйг  нь  дарсан   чулуу  байгааг   тэрээр  мэдэх  л  байх.  Өгөөж   баялагтай  сайхан  тэр  нутгийн   уул   хаданд   багын  нь  дуу   хадаглаастай   байгаадаа  лав.  Хүмүүсийн   аж   төрөхөд  чандмань  эрдэнэ   хэмээгдэх   устай    холбоотой   болж,  түмэнд   тусалсаар   яваа  нэгэн. 
Нийтийн  аж  ахуй  үйлчилгээний  яаманд  мэргэжилтэн, хэлтсийн  дарга,  засгийн  газар  референт  хийж  байгууллагынхаа   оны  аврага ч   болж  байж.  Тэр  үед   ажлын  үэнэлгээ  чанга   байсан  үе. Одоо   бол  өргөмжлөл  цом  хоёрын  шагнал  олширч л дээ. 

Найз  нөхөд  нь  ийнхүү  нэрийднэ
Хүмүүсийг  царай  зүсээр   бие  галбираар  нь  эсвэл  хийж   буй    ажлаар  нь  нэрших  нь   цөөндөөн   олон  тааралддаг. 
Усгүй  бол  эрүүл   байхын   тухай  яриад ч   нэмэргүй дээ.   Гадаадын   зарим   улс  орон  гадаадаас  ус  худалдаж   авч  байна  гэж     сонсогдож  л  байдаг.  Туул   голын   хаяаг  дагаж     хот   маань  өргөжин  тэлсээр  зах  нь    үзэгдэхгүй    боллоо  гэж   олон  төрийн   нүүр  үзсэн   хүмүүс   хэлэх.  Нээрээн ч    жилээс   жилд   өнгө  нь  өөрчлөгдөж,  өндөр  байшин,   барилгууд   сүндрэлсээр.  Ийнхүү   хот  тэлэгдэх   бүрийд л  хүн  амын   ундны усны торгон сүлжээ нэмэгдэж  хэрэгцээ  өснө.  Их  хотын  зүүн  дүүрэгт  орших  Ус  сувгын  ашиглалтын  газарын  тэргүүн  дэд  дарга  бөгөөд  ерөнхий   инженерээр   олон  жил  тогтвортой    үр  бүтээлтэй   ажиллаж  байгаа   түүнийг   хоёр  ажлыг   зэрэг  хийж,   албаа  түүртэлгүй   гүйцэлдүүлж   байна  гэцгээх   хүн   олоон. Олон  хоног нойргүй  сууж   ажлаа  хийнэ.  Хамт  олон  нь  ч  түүнийн  хүрээлж   хүндлэнэ.  Тэрээр  хүнийг   загнахгүй   нүүр  өөд  харж  зэм  хүртэх  шалтгааныг  нь  лавлана.  Иймийн  учир   түүнээс  хамт  олон  нь  эмээж   бас  хүндлэж   байдаг  юи  билээ.

Нутгийн  зөвлөлийн  дарга
Бас   сонгуульт  ажлаа  ч  хийх  ёстой  ажил  гэж   цаг  заваараа   мэрийнэ.  Энэ  чанар  нь  түүний   хуурч   болохгүй  гэх  багын  нь  араншин  гэлтэй.  Төрсөн  сумынхаа  нутгын  зөвлөлийн   даргын   алба   түүний   нэртэй   холбогдоод   хэдэн   жил  өнгөрөхөд   хийсэн   ажил  нь   хүмүүсийн  нүдэн  дээр  тод   харагддаг  юм   билээ.  Саяхан   нарын   дунд   сард   сумынхаа  үүсч  байгуулагдсны  80   жилийн  ойг  нь   тэмдэглэхэд  нилээд   гар  биеэрээ  оролцож  нилээд   ажлыг  амжуулалцсан  нэгэн. 
Англид  мастер  хамгаалав
Гадаадад  ажлаар  яваа   гэж  хэд  хэд  сонсогдов. Ажил  төрөл  нь  их  юм   гадаададад  зөндөөн л  явж  байдаг.  Тэгвэл   сүүлийн   хоёр  жил   мэдлэг   чадвараа  дээшллүүлж,  цол  зэрэгээ ч  ахиулж  л  дээ.  Англи  улсад   эзэмшсэн  мэргэжлээрээ  мастерийн зэрэг   төдөлгүй   хамгаалсан  нь   гадаад   хэлний   мэдлэг   чаймгүй  байгааг  нь   харуулах   тод  үзүүлэлт  байх л даа.  Барууны  орнуудад   мастер  хамгаалдаг  нь   манай   дэд  доктор   цолтой    утга  нэгэн   адил  зүйл л дээ.  Би   ингэж   ажилалаа  гэхээсээ   илүү  өөрийн  хариуцсан  ажилдаа  эзэн  болж   түмнийг    усаар   тэжээж  тэтгэж   байна  гэж   ойлгодог   аж.

Алтан  гадас   одонт

Түүнд   нийтийн   аж  ахуй  үйлчилгээний   тэргүүний  ажилтан   цол  тэмдэгийг     олон   жилийн   өмнө   хүртээжээ.  Энэ нь  ч  хүндтэй   шагнал.  Үүнээс   хүндтэй   шагналыг,   ус  сувгын   тасалдалгүй    ажиллагааг    хангаж,   хүмүүст  хүргэж  тустай   ачтай    ажиллаж   байгааг  нь   хотын  удирдлага   их   үнэлдэг  үнэлгээг  том   шагнал  гэж  урамшиж   явдаг   манлайлагч  сэхээтнүүдийн   нэгээ. Хөдөлмөрийн   хүндэт  медаль,   Алтан   гадас   одонгоор  энгэрийг    нь   мялааж   урам   нэмэхийн   хирээр   хариуцлага  нь   өндөрсний  илрэл  бизээ.

Гоё  бичигтэн 
Бичиг  хэргийг  гоё  цэвэр  гаргацтай  бичих  нь   удирдах  хүний  заавал  эзэмшвэл  зохих   чадварын  нэг  байх   ёстой.  Сэтгэл  судлаачид  гоё  бичигтэнг  нямбай   шудрага   хүмүүст  тооцдог  юм  билээ. Ингэж   сайхан  бичих  нь   цэгцтэйн  дээр  ажлын   цагт  чухал  нөлөөтэй  байдаг.  Гаргахгүй   бичгийг   хүн  болгоноос  асууж    өөрийг  нь  эрж   ихээхэн  цаг  үрдэг   ярвигтай  ажил   байдаг.
Нийслэлийн  иргэдийн  хурлын  төлөөлөгч

Үндсэн  ажлынхаа  хажуугаар  нийслэлийн  иргэдийн   хурлын   төлөөлөгчөөр   хоёр  дахь  удаагаа   олны  итгэлийг   хүлээж   сонгогдлоо.  Нийслэлийн   иргэдийн  тулгамдсан  асуудлуудыг  шийдвэрийн   түвишнд   нөлөөлөх  нь  дамжиггүй.  Мөн  нийслэлийн  иргэдийн  хурлын  МАХН-ын   бүлгийн  ахлагчаар   ажиллаж  байгаа  нь   намын  нь  өмнө  хүлээсэн   өндөр   итгэл  юм.

Усны   Пүрэвжав      

Ихээхэн   ус,  гол,   мөрөн  дөлгөөн,   мяралзан    байх нь надад  аятайхан   санагддагтай   лугаа   адил    тэрээр   мөн   ийм   дөлгөөн  нэгэн.  Илүү  дутуу   яриагүй,   цэгцтэй   байдал   нь   надад   илүү  таалагддаг  юм.  Энэ  дуу  цөөнтэй    байх  нь  түүнийг  улам   хурцалж    ихийг   бүтээх  үйлсэд  чимээгүй  дуудна.  Ийм   ланжгар   томоохон  албан  газар    аядуу зөөлөн   хатуудаа   хатуу   хат  сууж  хүмүүсийн   ахуй   амьдралыг   мэдэх  ойлгох  дарга    цөөхөн   санагддаг. Мөн шилдэг   менежер  цолыг  түүнд   хүртээжээ.   Энэ   нь  онож  шагнасан   урам  байх л даа.   Ус  дагасан  амьдрал  цэгцэрч, сэргэн  цэцэглэдэг   гэж    хуучуулын  аугаа   их  сургааль  шаштирт    бичсэн  нь  бий.  Ус  хангамжыг    сайжруулбал  хүн   амын   амжиргааны   соёл   дээшилнэ    гэж    ярих  дуртай     тэрээр    хэд  хэдэн   төсөл   хэрэгжүүлж  зорьсондоо    хүрсэн  хүн   юм.   Хүн  бүрт   ялангуяа  нийслэлчүүдэд  хамааралтай    ажил  мэргэжил   цөөн   байдаг  гэж   боддог.  Тэгвэл “ Усны Б. Пүрэвжав “ нь  нийслэлийн  хүн , айл гэр     бүрт     рашааныг  нь   түгээх   хариуцсан   ажилдаа уйгагүй  зүтгэж  яваа   манай тэмүүлэгч   сэхээтнүүдийн   нэг  юмаа. 




Үнэлэх
Нэвтрэнэ үү
Үнэлгээ (0)

Админы мэдээлэл



Сэтгэгдэл үлдээх
Нэр
Сэтгэгдэл
Өмнөх сэтгэгдлүүд »
     
PMS.MN
Developed by: miniCMS™ v2
Web stats